استماع

رجعوا التلامذه  

رجعوا التلامذة

يا عم حمزة للجد تاني

يا مصر إنتي اللي باقية

و انتــــــــــي

قطف الأماني

لا كورة نفعت

و لا أونطة

و لا المناقشة و جدل بيزنطة

و لا الصحافة و الصحفجية

شاغلين شبابنا

عن القضيـــة

قيمولنا صهبة يا صهبجية

و دوقونا طعم الأغاني

رجعوا التلامذة

للجد  تـــــــاني

 

طلعوا التلامذة ورد الجناين

اسمع يا ميلص و شوف و عاين

ملعون أبوك ابن كلب خاين

يا صوت أميركا

يا أمريكانـــــــي

رجعوا التلامذة يا عم حمزة

للجد تانــــــــــي

يا مصر إنتي اللي باقية و انتــــــــــي

قطف الأمانــــي

القاهرة  20  يناير 1972