ميكي

بصراحة يا أستاذ ميكي

انك رجعي و تشكيكي

قاعد لا مؤاخدة تهفلط

و كلامك رومانتيكي

 

و لا ناوي تبطل تكتب

بصراحة كلام بولوتيكي

عن دور الحل السلمي

و استعماله التكتيكي

ف الوقت اللي احنا صراحة

دايخين دوخة البلجيكي

 

و بلدنا لسه جريحة

و بتصرخ بالأفريكي

لو بات التار يا ولادي

حيبات الذل شريكي

و الشعب يقول يا بلادي

بالروح و الدم أفديكي

 

و حاجات بصراحة بتحصل

في بلدنا يا أستاذ ميكي

بصراحة و لا انت معاي

و لا طالل من شبابيكي

و كأنك مثلا مميا

للسلطان الأنتيكي

احياها لاستعمالها

لستعمار الأمريكي

رجعت على هيئة ميكي